Skólaár 2026-2027

SKÓLANÁMSKRÁ

Aðalnámskrá tónlistarskóla kveður svo á um að hver tónlistarskóli geri sína skólanámskrá til að skilgreina starfssvið sitt og markmið. Vefsíða Tónskólans Do Re Mi er skólanámskrá skólans og jafnframt upplýsingamiðill.

Smeltu hér að neðan

SKÓLINN

NÁMSTÍMI

SKÓLAREGLUR

HLJÓÐFÆRI

KENNARAR

SPURT&SVARAÐ

skólinn

Tónskólinn Do Re Mi hóf starfsemi sína haustið 1994. Stofnendur skólans voru Ágota Joó, Ingibjörg Ásta Hafstein og Vilberg Viggósson.

Skólinn var fyrst til húsa að Víðimel en mikil breyting varð á högum nemenda og kennara var þegar hann flutti frá Víðimel yfir í KR heimilið árið 1999. Við það urðu verulegar breytingar til góðs hvað varðar húsnæði, aðstöðu og aðgengi auk þess sem foreldrasamfélagið og nemendur skólans hafa verið einkar ánægðir með nærsamfélag íþrótta- og tónlistariðkenda sem ríkt hefur að Frostaskjóli 2.

Í upphafi byrjuðu 67 nemendur við skólann og kennarar voru fimm sem flestir voru í hlutastarfi. Nú starfa að jafnaði 13 kennarar við skólann sem hafa að baki góða menntum og kennslureynslu. Nemendafjöldi er um 130.

Skólastjóri er Vilberg Viggósson, aðstoðarskólastjóri er Ágota Joó.

Skólinn starfar samkvæmt lögum um tónlistarskóla og kennt er eftir námskrám útgefnum af Menntamálaráðuneytinu. Rekstrargrundvöllur skólans byggir á styrk frá Reykjavíkurborg, skólagjöldum og frjálsum framlögum. Skólinn er í Samtökum tónlistarskóla í Reykjavík (S.T.Í.R.) og Samtökum tónlistarskólastjóra (S.T.S).

námstími

Starfstími skólans er alla jafna frá lok ágúst til lok maí ár hvert. Kennsla hefst alla jafna á síðustu 2-3 dögum ágúst mánaðar og lýkur um miðjan maí. Jóla- og páskafrí eru samkvæmt skóladagatali skólans. Haustfrí og vetrarfrí miðast við frí grunnskólanna í Vesturbæ. Frí vegna starfsdaga kennara í grunnskólum og vegna foreldraviðtala í grunnskólum eru ekki frí í tónlistarskólanum.

Hægt er að sjá skóladagatal skólans hér.

Hafa samband:
Tónskólinn Do Re Mi: Skrifstofa sími 551 4900

Kennarastofa: sími 571 4901

Netfang: doremi@simnet.is

SKÓLAREGLUR

Með því að senda inn umsókn í Tónskólann Do Re Mi samþykkir umsækjandi þá skilmála sem birtast í þessum skólareglum sem og gjaldskrá skólans og taka skilmálarnir gildi strax og umsækjandi hefur fengið staðfestingu á námsvist

Tónskólinn mun reyna að verða við sérstökum óskum eftir fremsta megni en áskilur sér einhliða rétt til að ákvarða um kennara eða kennslustað í samræmi við aðstæður hverju sinni.

Gjaldskrá skólans er háð ákvörðunum skólanefndar um gjaldskrárhækkanir og eru birtar á heimasíðu skólans fyrir hvert skólaár.

Forráðamönnum ber að ganga frá greiðslum inn á Sportabler, eða öðru því greiðslukerfi sem skólinn notar, áður en kennsla hefst á hverju skólaári.

Ætli nemandinn að halda áfram námi næst skólaár þá þarf að staðfesta umsókn með því að greiða staðfestingargjald fyrir 15. apríl . Staðfestingargjaldið er óendurkræft.

Skólareglur: Sjá nánar

Vegna óveðurs: Sjá nánar

Jafnréttisáætlun: Sjá nánar

Sjá nánar

PÍANÓ

HARMÓNIKA

FIÐLA

HARPA

ÞVERFLAUTA

GÍTAR

SELLÓ

KENNARAR

Aladár Rácz

Píanókennari

Stundaði nám í píanóleik við Georges Enescu tónlistarskólann í Búkarest og síðan framhaldsnám við Tónlistarháskólana í Búkarest og Búdapest. Hann hefur leikið á tónleikum víðsvegar um heiminn, leikið inn á geisladiska og unnið til verðlauna fyrir píanóleik í alþjóðakeppnum. Aladár hefur starfað sem píanókennari og meðleikari við Tónskólann Do Re Mi frá hausti 2013.

Annamaria Lopa

Gítarkennari

Annamaria Lopa er ítalskur gítarleikari og kennari. Hún lærði hjá P. Garzia í
Conservatory of Music “Lorenzo Perosi” í Campobasso á Ítalíu, og Oscar Ghiglia í
Accademia Chigiana í Siena. Árið 1998 lauk hún M.Mus. meistaraprófið í klassískum
gítarleik með hæstu einkunn. Hún tók þátt í, og vann margar tónlistarkeppnir á
árunum 1994 til 2000 (International Young Musicians competitions í Barletta,
Mottola, Lodi, Savona, Roma, Gargnano o.fl.).

Ágota Joó

Píanókennari & Aðstoðarskólastjóri

Er fædd í Ungverjalandi. Hún hóf pianónám 7 ára að aldri. og útskrifaðist frá Franz Liszt Tónlistarháskólanum í Szeged, sem pianókennari, tónfræðikennari og kórstjóri. Hún hefur búið á Íslandi frá árinu 1988.
Ágota stjórnar Kvennakór Reykjavíkur og Senjórítum Kvennakórs Reykjavíkur. Ágota er einn af stofnendum Tónskólans Do Re Mi og hefur kennt við hann frá árinu 2006.

Birna Helgadóttir

Píanókennari

Stundaði nám ívið Tónlistarskólann á Akureyri Tónlistarskólann í Reykjavík (þaðan sem hún útskrifaðist úr píanókennaradeild, Síbelíusarakademíuna í Helsinki þar sem hún lauk BA prófi árið 2002 og MA námi í píanóleik 2004 með hæstu einkunn. Auk þessa hefur hún tekið þátt í fjölda meistaranámskeiða, Birna hefur kennt við Tónskólann Do Re Mi frá árinu 2005.

Móeiður Anna Sigurardóttir

Fiðlukennari

stundaði nám á víólu hjá Helgu Þórarinsdóttur, Boston University, hvaðan hún lauk MM gráðu í víóluleik og lauk síðan Post Graduate gráðu í Sweelinck Conservatorium í Amsterdam. Hún starfaði sem víóluleikari hjá Opera North í Leeds í Englandi í 7 ár. Móeiður hefur kennt á fiðlu og víólu ásamt því að leika með SÍ. Hún hóf störf í Tónskólanum Do Re Mi 2015.

Ólöf Þorvarðsdóttir

Fiðlukennari

Lauk prófi frá Tónlistarskóla Reykjavíkur árið1986 og BM og MM í fiðluleik frá New England Conservatory of Music í Boston einnig lauk hún MA í listaþerapíu frá Lesley College í Cambridge í Mass. Hún hefur kennt og leikið með ýmsum tónlistarhópum. Hún hefur starfað sem fiðluleikari í Sinfóníuhljómsveit Ísland frá árinu 2000 kennt við Tónskólann Do Re Mi frá 2007.

Runólfur Bjarki Arnarson

Harmonikukennari

Stundaði nám á harmoniku og þverflautu í Tónlistarskóla Kópavogs. Hann kenndi á bæði hljóðfærin 2016-2018 í Tónskóla Eddu Borgar, áður en hann flutti til Hollands. Runólfur útskrifaðist með BS gráðu í Creative Business frá Inholland University of Applied Sciences árið 2022 og tók í beinu framhaldi við starfi sem yfirmaður bókanna og tónlistarviðburða hjá umboðsmannaskrifstofunni Iceland Sync. Runólfur hóf störf við kennslu á harmoniku árið 2024 í Tónskólanum Do Re Mi.

Sergio Coto Blanco

Gítar- og tónfræðikennari

Sergio lauk BMus-námi í gítarleik frá Hochschule für Musik Hanns Eisler í Berlín og í kjölfarið
meistaranámi í lútuleik frá HfK Bremen. Hann hefur komið fram á hátíðum á meginlandi
Evrópu, á Íslandi og í Kosta Ríka og starfað sem lausráðinn stundakennari í verkefnum hjá
LHÍ. Sergio hefur kennt við Tónskólann Do Re Mi frá því haustið 2024.

Sólveig Thoroddsen

Hörpu- og tónfræðikennari

Sólveig lauk BMus-námi í hörpuleik frá Royal Welsh College of Music and Drama og
meistaranámi í upprunaflutningi frá HfK Bremen. Sólveig hefur komið fram á hátíðum og í
tónleikaröðum í Evrópu og Kosta Ríka og starfað sem lausráðinn stundakennari í verkefnum
hjá LHÍ. Sólveig hefur kennt við Tónskólann Do Re Mi frá því haustið 2024.

Tristan Cardew

Þverflautukennari

Lærði á flautu í París hjá Jean-loup Gregoire. Hann útskrifaðist frá Conservatoire National Hector Berlioz. Eftir það var hann hjá Pierre Yves Artaud og Alain Marion í einkatímum og starfaði sem annar flautuleikari í Orchestre Regionale d’Ile de France. Hann hefur kennt við Tónskólann Do Re Mi frá 2002 til 2008 og aftur frá 2014.

Victoria Tarevskaia

Sellókennari

Er frá Moldavíu, en hefur starfað sem sellókennari og lausamaður hjá Sinfóníuhljómsveit Íslands síðan 1999. Hún útskrifaðist með Mastersgráðu í sellóleik frá Tónlistarakademíu G. Musichescu, í Chisinau 1994. Victoria lék með Moldavian Philharmonic Symphony Orchestra ásamt ýmsum kammerhópum. Hún hefur kennt í Tónskólanum Do Re Mi frá 2000.

Vilberg Viggósson

Skólastjóri og píanókennari

Hóf nám í píanóleik hjá Ragnari H. Ragnar í Tónlistarskóla Ísafjarðar, lauk burtfararprófi frá Tónlistarskólanum í Reykjavík hjá Halldóri Haraldssyni 1982 og lauk lokaprófi frá Sweelinck Conservatorium í Amsterdam 1989. Hann stofnaði Tónskólann Do Re Mi haustið 1994 ásamt Ágotu Joó og Ingu Ástu Hafstein og hefur verið skólastjóri skólans síðan.

SPURT & SVARAÐ

Hvernig og hvenær á að sækja um skólavist?

Sótt er um hér á heimasíðunni undir flipanum „Umsókn“.
Opnað er fyrir umsókn í byrjun mars ár hvert fyrir næstkomandi skólaár.

Komast allir að sem sækja um?

Því miður komast ekki allir að, þar sem skólinn fær bara ákveðið kennslutímamagn úthlutað frá Reykjavíkurborg. Ef ekki er laust pláss í skólanum eru umsóknir settar á biðlista.

Hvernig eru umsóknir afgreiddar?

Inntaka nemenda byggir á m.a. á tímasetningu umsóknar og hvort laust er á hljóðfærið sem sótt er um. (Sjá viðmið vegna inntöku nemenda undir flipanum umsóknir)

Hvað ef ég fæ tilkynningu um að umsókn hafi verið sett á biðlista?

Ef umsókn er sett á biðlista þýðir það að nemandinn hefur ekki komist að á því skólaári. Ekki er send frekari tilkynning til umækjenda. Ef sótt er um aftur við skólann er best að taka það fram að viðkomandi nemendi eigi umsókn á biðlista. en huga þarf að því að ef umsókn lendir á biðlista, þá þarf að endurnýja umsóknina á hverju ári, því annars dettur hún út.

Hvar fer kennslan fram?

Hljóðfærakennslan fer fram á annarri hæð í KR heimilinu Frostaskjóli 2 og í sumum tilfellum í grunnskólunum og víðar. Tónfræðikennslan fer alfarið fram í Frostaskjóli 2.

Hvernig fer kennslan fram?

Fyrsta árs nemendur (6-7 ára) fá 1×30 mín á viku.

Annars árs nemendur fá 2x 20 mín. á viku

Þriðja árs nemendur fá 2×25 mín. á viku

Fjórða árs nemendur fá 2×30 mín. á viku.

Allir nemendur frá 10 ára aldri fá sér tónfræðitíma 50 mín. í hóptímum í viku. Eldri nemendur og lengra komnir eru með lengri tónfræðitíma.

Er hægt að nýta frístundakortið?

Já.

Er veittur systkinaafsláttur af skólagjöldum?

Fyrsta barn greiðir fullt gjald en svo er veittur 5 % afsláttur fyrir systkini.

Hvenær geta börnin byrjað að læra á hljóðfæri í skólanum?

Miðað er við að börnin byrji í Tónskólanum Do Re Mi þegar þau fara í annan bekk grunnskóla eða árið sem barnið verður 7 ára.

Leigir skólinn út hljóðfæri?

Skólinn leigir út fiðlur, selló, gítara, harmónikur og hörpur í minni stærðum og þverflautur í fullri stærð. Einnig hafa verið leigð út píanó. (Verðskrá hér)

Hver eru skólagjöldin?

Skólagjöldin eru uppfærð árlega með tilliti til vísitöluhækkunar og er hægt að sjá hér á síðunni undir flipanum: Umsókn

Er einhver annar kostnaður við námið en skólagjöld?

Nemandinn þarf að eiga eða hafa aðgang að hljóðfæri og gera má ráð fyrir kostnaði vegna kaupa á nótnabókum og fleiru tengdu viðkomandi hljóðfæri.

Á hvaða tímum eru hljóðfæra- og tónfræðitímarnir?

Tímasetningar hljóðfæratímanna eru samkomulagsatriði á milli kennara og foreldra. Tónfræðitímar eru kenndir á þriðjudögum eða miðvikudögum.

Hvert á að tilkynnna forföll?

Forföll ber að tilkynna á netfangið doremi(hjá) simnet.is. Einnig er hægt að tilkynna forföll í síma 551-4900.

Er bætt upp sú kennsla sem fellur niður vegna veikinda hljóðfærakennara?

Samkvæmt skólareglunum fellur kennsla niður á meðan á veikindum kennara stendur. Dragist veikindi kennarans á langinn, 2 vikur eða lengur, ber skólanum að útvega forfallakennara í hans stað.

Er bætt upp sú kennsla sem fellur niður vegna veikinda nemanda?

Samkvæmt skólareglunum á nemandi ekki rétt á að fá bætta upp hljóðfæratíma vegna veikinda.

Er möguleiki á samleik í skólanum?

Nemendur eiga kost á að leika í hinum ýmsu samspilshópum svo sem strengjasveit, gítarsveit, hljómsveit og minni kammerhópum.

Hvað með ástundun?

Nemandinn þarf að tileinka sér ákveðin vinnubrögð, sem geta verið mismunandi eftir hljóðfærum. Öllum er það þó sameiginlegt, að eigi einhver árangur að nást krefst það, auk áhuga, daglegra æfinga og reglubundinnar ástundunar. Hér skiptir áhugi og aðhald foreldra miklu máli og æskilegt er að foreldrar gefi sér tíma til að fylgjast með æfingum barnsins. Rétt æfing skapar meistarann og regluleg ástundun skapar ánægjuna.

Hvaða próf eru tekin við skólann?

Samkvæmt aðalnámskrá tónlistarskóla eru áfangapróf tekin eftir getu nemanda. Þar er prófað í óundirbúnum nótnalestri, sköpunarvalþætti, tónstigum og svo eru leikin lög og æfingar. Þeir nemendur sem ekki taka áfangapróf taka svokallað vorpróf. Það er mun minna í sniðum en áfangaprófin.

Geta foreldrar óskað eftir því að barnið þeirra taki áfangapróf?

Nei. Það er alfarið kennarinn sem ákveður hvort barnið er tilbúið í áfangapróf. Foreldrar geta ekki haft áhrif á kennarann hvað þetta atriði varðar.

Leika allir nemendur á jóla-, þema- og vortónleikum?

Byrjendur á fyrsta ári leika ekki á jólatónleikum, en þeir leika á vortónleikunum. Á þematónleikana velja kennarar nemendur í samleiksatriði og því eru yfirleitt ekki allir sem leika á þeim tónleikum.

Er skylda að leika á tónleikum?

Samkvæmt skólareglunum (http://www.doremi.is/skolinn/skolareglur/) er það skylt.

Eru sömu frí hjá ykkur og í grunnskólum hverfisins?

Í flestum tilfellum eru sömu frí og í grunnskólunum, nema að frí vegna starfsdaga o.þ.h. í grunnskólum eru ekki frí í tónlistarskólanum. Vetrarfrí og jólafrí eru mjög svipuð. Hægt er að sjá skóladagatal skólans hér á síðunni (Dagatal Visku).

Mig vantar svör við öðrum spurningum. Hvert get ég leitað til að fá frekari upplýsingar?

Best er að senda fyrirspurnir á netfangið doremi(hjá) simnet.is. Einnig er hægt að hringja í síma skólans 551-4900.